Afrikansk utstilling på museet

Lilian Nabulime er kjent utover Afrika for sine treskulpturar der ho blant anna formidlar både humor og alvor.

Ho er feminist og rettar det meste av sine meldingar direkte til kvinner, men like sterkt indirekte til menn. Utstillinga på Bergen Museum kallar ho “Letters to Women”.

Hiv og Aids

Treskulpturane er først og fremst “typisk afrikanske”, tufta på tradisjonelt trearbeid, som til dømes den kjende Makonde-tradisjonen i Aust-Afrika. Nabulime legg samtida og alvoret inn i verka sine gjennom å “modernisera” treskulpturane med jernstykker, maling og anna materiale. Dette brukar ho blant anna for å få fram smerten, men og motet, til dei kvinnene som lever med HIV og AIDS.

Nabulime arbeidar for tida med ein doktorgrad i Newcastle. Prosjektet hennar har fokus på kvinner i Uganda og det å leva med HIV/AIDS.
Utstillinga varer ut året.