Avtale med St. Petersburg

– Dette er ein vid rammeavtale, som er nokså vanleg å lage på institusjonsnivå. Ein slik avtale gjev legitimitet til, og gjer det enklare for institutt og fakultet å lage meir spesifikke underavtalar, få støtte til forskingsutveksling og liknande, seier rådgjevar Bjørn Erik Andersen ved Internasjonalt kontor.

– I slike samanhengar blir Russland definert på linje med utviklingsland, og blir dermed omfatta av ein del stipendprogramordningar, som til dømes kvoteprogrammet. Dette programmet krev institusjonelle samarbeidsavtalar. Det vil seie at om UiB vil ta opp til dømes masterstudentar frå St. Petersburg-universitetet, finansiert gjennom kvoteprogrammet, så er ein nøydd til å ha ein slik samarbeidsavtale.

Institusjonane er samde om å oppmode eigne einingar til forskingssamarbeid og utveksling av forskarar og studentar. Avtalen skal fornyast kvart femte år. Også UiO og UiTø underteikna avtalar ved same høve.