Brita for alle

Det er Universitetsstyret som har vedteke at brukarstøtte knytt til IT skal ivaretakast av IT-avdelinga sentralt. IT-direktør Tor Bu trur at det vil bli eit betre system for brukarane.

Problem med it-systemet skal heretter meldast til Brita, som er namnet på IT-avdelinga si brukarstøtte. Administrasjonen har nytta dette systemet i eitt år allereie. Systemet med personlege kontaktar blir dermed historie.

– Mitt inntrykk er at vi gjennom Brita kan gje meir profesjonell brukarstøtte. Tidlegare var det større sjanse for at sakene vart liggande. No får UiB-tilsette saka si registrert og får tildelt ein IT-konsulent som har plikt på seg til å følgje opp saka, seier Tor Bu.

Han seier at det er viktig at brukarane held seg orientert om den informasjonen IT-avdelinga legg ut på Internett og oppmodar alle tilsette til å ha ei fast lenkje til IT-avdelinga på mi side på intranettet.