Ny husleigemodell - Kor mykje kostar det?

Eg ser at universitetsleiinga i sin visdom har kome til at dei vil innføre internhusleige ved Universitetet i Bergen. Dette skal visstnok auka effektiviteten og gje reduserte kostnader. Men eit slikt system har også sin pris. I kva grad er den teken med i reknestykket?  

Mitt spørsmål er dette: Kor mykje kostar det å førebu, utvikle, administrere, drive og kontrollere eit slikt system?

Kor mange nye byråkratar, utleigekonsulentar, kontrollørar, konsulentar, økonomar og direktørar trengs det for å arbeide med husleigeprising, kontrakatar avtalar, framleigekontroll, kostnadsvurdering, kostnadskategorisering, kontroll, reklassifisering, realendring, husleigetilskot, opplæring, skolering og liknande tilhøyrande aktivitetar?

Kva er dei økonomiske og adminstrative konsekvensane av dette tiltaket? Så vidt eg kan sjå i saksframlegget til universitetsstyret står det lite eller ingenting om det.