Tariffoppgjeret i år ofrar igjen førsteamanuensis-stillingane.
Totalt kjem førsteamanuensis ut med ca 4,6 prosent lønnstillegg. Det er knapt nok til å dekke inflasjonen. I realiteten er det igjen reallønsnedgong for denne gruppa. Vi veit at vi aldri får noe i justeringsforhandlingane eller i lokale forhandlingar.
Ein lektor med opprykk i vidaregåande skule er i ca lønnstrinn 64 og vil etter oppgjeret i vår rykke enno meir i frå.
Førsteamanuensar ved UiB oppfordrar alle til å seie nei til tariffoppgjeret. Streik nyttar til tross for våre tillitsmenn/kvinner sine påstandar om det motsette. Utan streik ville lektorane framleis stått på ca lønnstrinn 56.
Difor:
Er du ein førsteamanuensis som tar alle pliktoppgåvene dine på instituttet, men opplever at det blir brukt mot deg ved alle vurderingar; stem nei!
Lurer du på kvifor dr.graden din kostar deg mange lønnstrinn (t.d. samanlikna med lektorane eller med dei du utdannar til det private næringslivet); stem nei!
Fryktar du kva det betyr for fagfelleskap, fagleg utvikling og fagmiljø på institutta at skilja mellom dei enkelte tilsette berre aukar; stem nei!
Er du solidarisk med førsteamanuensis-gruppa; stem nei til tariffoppgjeret! Det er kanskje godt for noen få, men øydeleggande for dei mange.
Men dette er og ein appell til alle i akademia: Tariffoppgjeret fremmer ein dårleg kunnskapspolitikk;
stem nei!