– Er UiO ei eiga akademisk stamme?

– Skal den akademiske debatten på UiO haldast internt, medan debatten med kollegaer ved Universitetet i Bergen skal førast eksternt? Då må UiO vera ei eiga akademisk stamme som ikkje tilhøyrer resten av det akademiske samfunnet, sa jussprofessor Jan Fridtjof Bernt under ein debatt om Nedkvitne-saka tirsdag, ifølge Uniforum.

I innlegget sitt analyserte Bernt Tingrettens dom mot Arnved Nedkvitne punkt for punkt og konkluderte med at det var heilt umogleg frå ein akademisk ståstad å lata denne dommen bli ståande. Difor har han også rådd til at dommen blir anka, noko Forskarforbundet vedtok å gjera den 18. februar.

Akademisk forum inviterte til debatt om Nedkvitne-saka handlar om ytringsfridom eller arbeidsmiljø.