Søknadsfristen til stillinga som assisterande fakultetsdirektør ved Fakultet for kunst, musikk og design gjekk ut 3. april.
Då fristen gjekk ut, hadde 23 søkarar meldt seg.
Skal assistere Synnøve Myhre
Etableringa av eit nytt kunstnerisk fakultet blei vedtatt av universitetsstyret ved UiB i juni i fjor.
I slutten av februar blei det klart at Synnøve Myhre blir historias første fakultetsdirektør ved det nyoppretta fakultetet for kunst, musikk og design (KMD).
No skal personen som skal vere Synnøve Myhre si høgre hand tilsettast.
Ei rekke UiB-namn på lista
Fleire av søkarane er interne søkarar. Kjerstin Tønseth er i dag administrasjonssjef ved KMD. Andrea Grimnes er administrasjonssjef ved Molekylærbiologisk institutt. Gerd Johannessen er seksjonssjef ved Det medisinsk-odontologiske fakultet. Eli Neshavn Høie er seksjonssjef ved Det matematisk-naturvitskaplege fakultet.
Siri Smith i dag administrasjonssjef ved Institutt for global helse og samfunnsmedisin. Ingunn Wergeland er administrativ leiar The Sea Lice Research Centre ved institutt for Biologi. Elin Horntvedt arbeider i dag ved Det medisinsk-odontologiske fakultet. I dag er Kari Bjørgo Johnsen konstituert assisterande fakultetsdirektør ved KMD. Også ho er å finne på søkarlista.
Cecilie Ohm er i dag konstituert direktør for Fakultet for kunst, musikk og design.
Gerd Tinglum er interimdekan ved KMD. Kven som skal vere dekan ved fakultetet frå og med hausten, er ikkje avklart.
Dette er den offentlege søkarlista:
1 Gabriele Bruzaite (23) vikar, Bergen
2 Gøril Vikøren Nøkleby (43) Seniorrådgiver, Bergen
3 Robert Visscher (54) Seksjonssjef i Forsvaret, Lillehammer
4 Carina Linde Wisnes (28) student, Bergen
5 Kjersti Berg Danilova (41) Doktorgradsstipendiat, Askøy
6 Kjerstin Tønseth (60) Seniorrådgiver, Bergen
7 Trude Bruket (40) Daglig leiar i BIT20 Ensemble, Lindås
8 Eli Neshavn Høie (45) Seksjonssjef, studie, Bergen
9 Aud Marit Sofie Wigg (37) Rådgjevar Høgskulen i Volda, Ulstein
10 Andrea Grimnes (48) Administrasjonssjef, Bergen
11 Gerd Johannessen (57) Personalsjef / seksjonsleder personal, Bergen
12 Natalia Leltchouk (43) Tolk i Bergen Kommune, Bergen
13 Søknad trukket, Bergen
14 Siri Smith (40) Administrasjonssjef på Institutt for global helse og samfunnsmedisin, UiB, Bergen
15 Kari Bjørgo Johnsen (51) Konstituert assisterende fakultetsdirektør, Bergen
16 Birgit Falch (54) seksjonssjef, Bergen
17 Bjørn Einar Halvorsen (57) Leder - Høyskolen, Barratt Due musikkinstitutt, Oslo
18 Linnea Reitan Jensen (27) Leder, Bergen
19 Elin Horntvedt (45) Seniorkonsulent, Bergen
20 Harald Eikaas (52) Musikksjef, Bergen
21 Ingunn Wergeland (51) Administrativ leder SLRC, Institutt for Biologi, UiB, Bergen
22 Marit Offerdal (43) Studiesjef, Bergen
23 Hilde Skare (53) Kontorsjef Institutt for musikk og dans, UiS, Stavanger
Høgtideleg opning i januar
Fakultet for kunst, musikk og design blei formelt opna i januar 2017. Dronning Sonja var ein av gjestane som var til stades på arrangementet.
Dronning Sonja fekk også eit av UiB sine nye sjal i gåve. Sjalet er laga av tekstilkunstnar og UiB-tilsett Kiyoshi Yamamoto.
