Tyskarar og spanjolar toppar listene for innreisande Erasmusstudentar til Noreg. Likevel veks nye EU-land som Polen og Litauen fortast, viser tala for 2006/07 frå Europakommisjonen.
2.575 studentar frå 23 ulike europeiske land hadde Erasmusopphald i Noreg utdanningsåret 2006/07, mot 2.260 studentar i 2005/06.
Tyskland på topp
Heile 715 tyske studentar kom til Noreg, ei auke frå 647 året før. Spanjolar kjem også hit til landet i aukande grad via Erasmus. 350 spanske studentar valde Noreg som studieland i 2006/07, ei auke på om lag sytti prosent frå 2005/06 (246 studentar).
Aukar mest: Polen og Litauen, som begge vart medlem av EU i 2004, sender stadig fleire studentar til Noreg. I 2006/07 var det 154 polske studentar i Noreg gjennom Erasmus, og 60 frå Litauen, ei auke på nesten hundre prosent frå året før (37 studentar).
Til Storbritannia
Det mest populære landet for norske Erasmus-studentar har i fleire år vore Spania, men i år er det Storbritannia som tek førsteplassen. 205 norske studentar reiste på Erasmusopphald hit i 2006/07.
Totalt var det 2.575 Erasmusstudentar i Noreg 06/07, medan 1.257 norske studentar reiste på Erasmusopphald i Europa i løpet av same tidsrom.
Erasmus er ein del av EU sitt Program for livslang læring og skal fremja mobilitet og samarbeid innan høgre utdanning i Europa. Erasmus vart etablert i 1987 og fram til no har totalt 1,7 millionar europeiske studentar totalt nytta høvet til å dra på utveksling via Erasmusprogrammet.