Fullt innsyn i publikasjonar

På nyåret etablerte Regjeringa  Nasjonal vitskapsindeks (NVI). NVI er ein del av Cristin, den felles, nasjonale publikasjonsdatabasen for universitets- og høgskulesektoren, instituttsektoren og dei regionale helseføretaka. Dermed er Noreg først ute i verda med å gje innsyn på individnivå i vitskapleg publisering, ifølge Aftenposten.

 - Noreg viser veg. Databasen gjer at vi kan sjå heilskapen i alt vi gjer innanfor forsking og publisering. Det er viktig for forskinga si eiga utvikling, samstundes som databasen gjev fullt innsyn, seier forskings- og høgare utdanningsminister Tora Aasland til Aftenposten.

Statsråden understrekar at Cristin ikkje er meint som eit verkty til å sjekke kor mykje forskarane forskar, og at det blir opp til institusjonane sjølve kor vidt dei vil bruke informasjonen til å skaffe seg oversikt.