Ingeniørstudent døydde etter eksamensfest

Seint tysdag kveld fekk politiet melding om at ein mann i 20-åra hadde falle frå ein bygning i Dragefjellsbakken på Sydneshaugen.

Ifølge BA.no skal han ha døydd momentant som følgje av fallet frå øvste etasje.

Mannen som omkom var deltakar på ein eksamensfest i bygget. Fleire av vitna som var til stades på festen vil bli avhøyrd av politiet tysdag.

Ifølge politioverbetjent Rigmor Isehaug ved vold- og sedelighetsseksjonen i Hordaland politidistrikt har politiet vore i kontakt med institusjonen der mannen var student.

Nils-Ottar Antonsen, instituttleder for Institutt for maskin- og marinfag ved Høgskolen i Bergen, stadfestar overfor BT.no at det var ein student ved Høgskulen som mista livet.

Mannen skal ikkje vere heimehøyrande i Bergen. Dei pårørande er varsla.