Internasjonal lingvistikkkonferanse til Bergen

Som første universitet i Norden er framandspråkmiljøa på UiB peika ut til å vere vertskap for den 28. internasjonale konferansen for leksikalsk grammatikk.  

– Det kjennes litt ærefullt dette, seier Harald Ulland, førsteamanuensis ved institutt for framandspråk.

Han står for organiseringa av konferansen saman med ph.d.studentar på instituttet. Forskargruppa i omsetjingsteori og kontrastiv lingvistikk er også involvert. Programmet vert i hovudsak sydd saman av den internasjonale vitskaplege komiteen ved Université Paris-est Marne-la-vallée i Frankrike, med Eric Laporte som leiar.

Det er denne vitskaplege komiteen som er står som arrangør av konferansane, og deler vertskapsoppgåva ut til ulike universitet i verda. UiB vann oppdraget om å vere vertskap dette året i konkurranse med universiteta i Miami og München.

Tidspunkt for konferansen er sett til 29. september til 3. oktober.