Ornament av Kari Dyrdal var det det KORO-oppnevnte kunstutvalget kåra til vinnar av kunstutforminga til den nye universitetsaulaen i Universitetsmuseet. Her ser du skisseforslaget 1 - Ornament som no skal bearbeidast vidare.
Tekstilkunstnar vann kunstoppdrag
Motiv frå fjellformasjonar i Bergensområdet er noko av det som vil prege den nye universitetsaulaen på Universitetsmuseet i Bergen.
Det er det KORO-oppnemnde kunstutvalet som kåra ein vinnar av kunstoppdraget der norske og internasjonale kunstnarar var inviterte til å delta.
Tekstilkunstnar som vann
I konkurranse med mellom anna Ida Ekblad, Lars Skjelbreia og Snorre Ytterstad så var det den kjende tekstilkunstnaren Kari Dyrdal som trakk det lengste strået.
I grunngjevinga til juryen står det:
<<Med sitt forslag for Universitetsaulaen spiller Kari Dyrdal på historie, natur, tradisjon, estetikk, kunnskap, materialitet og ny teknologi. Arbeidene hennes kombinerer det sanselige med et søkende blikk og en avansert forståelse for tekstilmaterialets iboende kvaliteter. Materialprøvene juryen har vurdert representerte en spennende bruk av ulike materialkvaliteter som samlet sett danner en eksklusivt og tiltalende overflate. Motivene er hentet fra fjellformasjoner i Bergensområdet og knytter slik verket både til byen mellom de syv fjell og til museets egen historie og tilknytning til grunnleggingen av Universitetet i Bergen. Forslaget blir realisert som et monumentalt tekstilarbeid som mer eller mindre dekker hele fondveggen i Universitetsaulaen. Monumentalt og storslått, men samtidig ydmyk og nær - forslaget svarer på en estetisk intelligent måte på forventningene til høytidelighet i aulaens bruk. Det er juryens vurdering at møtet mellom den taktile, organiske og stofflige veven og den klassiske arkitekturen i aulaen vil være svært vellykket, og tilføye aulaen nye kvaliteter til glede for generasjoner av brukere i tiden fremover.>>
Kunstnar og professor
Kari Dyrdal er professor i tekstil ved Kunst- og designhøgskolen i Bergen, og har god erfaring med utsmykking og kunst i offentlege rom.
– Det er alltid spanande å få eit slikt oppdrag. Eg har jobba med utsmykking av storskala kunst i mange år, og det å få vite at ein får eit oppdrag er ei stor tillitserklæring. Det er ein slags skrekkblanda fryd, seier Dyrdal.
Aulaen skal brukast i alt frå undervisning til meir høgtidelege seremoniar.
– Når aulaen skal ha så mange funksjonar er det viktig at det ein fører inn skal kunne tole alle dei hendingane som skjer der, seier Dyrdal.
Det er sett av 3 000 000 kroner til kunst i forbindelse med rehabiliteringa av sørfløya på Universitetsmuseet. Også nordfløya skal rehabiliterast, men det er så langt ikkje løyvd pengar til dette. Det er forventa ferdigstilling av aulaen i sørfløyen i august 2015.
