Møt rektorkandidatane

I dag klokka halv to kan du treffe rektorkandidat Rolf Reed i kantina på Bjørn Trumphys hus, der institutt for fysikk og teknologi held til. Neste fredag kjem Sigmund Grønmo til samme stad for diskusjon med dei som har konkrete spørsmål til kandidatane. 

Fredag 20. mars vil også valstyret presentere dei to rektorkandidatane i årets val. Det skjer i Egget på Studentsenteret kl. 10.15.

Torsdag 26. mars inviterer Akademikerne ved UiB til ope møte i Store Auditorium på Sentralblokka ved Haukeland Universitetssjukehus. Reed og Grønmo vil presentere sine program, og det er ope for spørsmål frå publikum, seansen startar klokka 15.00

Dagen etter, den 27. mars, er valet allereie i gang. Senter for kvinne- og kjønnsforskning har utfordra dei to kandidatane til å møte veljarane i debatt om elitisme, mangfald og likestilling. Fredag ettermiddag klokka 16.15 møtes Grønmo og Reed på Studentsenteret. Meiner rektorkandidatane at UiB skal vere eit elite- eller eit mangfaldsuniversitet? Kva tyder desse omgrepa, og kva konsekvensar har det eine eller det andre for studentar, tilsette og likestilling?

Det er nokon av spørsmåla SKOK vil at Grønmo og Reed skal svare på.