Mottok NordForsk pris

PhD-student Kristian Vasskog mottok NordForsk sin pris for beste poster under den 33. internasjonale geologiske kongressen i Oslo.

Vasskog er tilknytta Bjerknessenteret og er stipendiat ved UiB. Han fekk prisen for ein poster som demonstrerer utviklinga av klima, flaum og skredhendingar gjennom dei siste 7300 år. Prisen er på 25 000 kroner, men Vasskog har enno ikkje bestemt kva han vil bruke pengane til.

– Pengane gjev økonomisk fridom i prosjektet og moglegheitene er mange. Om vi brukar dei til feltarbeid, datering av kjerneprøvar eller reise for å vidareutvikle samarbeidet vi har med forskarkollegaer i andre land gjenstår å sjå, seier han til Bjerknes Times.