MR-maskin offisielt opna

Fredag 17. september opna det nye MR-senteret på Haukeland Universitetssjukehus ei ny, avansert MR-maskin.

Den nye maskina er dobbelt så kraftig som andre MR-maskiner og den andre i sitt slag i Noreg. Maskina vil gje sikrare og betre diagnoser og vil også vere svært viktig i forsking.

Maskina kostar 30 millionar og ein del av pengane kjem frå gåver. Blant dei største bidragsytarane er Trond Mohn og Herman Friele.

Dei to bergenske næringslivstoppane vitja Haukeland universitetssjukehus torsdag 16.september for å sjå på den nye maskina og høyre om bruken av denne frå UiB-professorane Torfinn Taxt og Kenneth Hugdahl.