Nordisk fenomenologi-symposium

Symposiet er det tredje i rekka sidan Nordisk Selskap for Fenomenologi vart
stifta i København i 2001. Etter det har det vore konferansar i Helsinki og Stockholm og no altså i Bergen. Til neste år skal konferansen arrangerast i
Reykjavik og det er meininga at den skal rullere mellom dei nordiske landa.

Bergens-symposiet har undertittelen fenomenologi: Frå teori til praksis - og
tilbake. Fenomenologien er ein filosofisk retning som først og fremst blir forbunde med Hussel og Heidegger, men også med Sartre, Merleau-Ponty og Levinas.

- Fenomenologisk metodologi er opptatt av å skildre ulike fenomen,frå
persepsjon, emosjonar og kroppslege røynsler til kva meining ting, redskapar og sosiale relasjonar har for oss. Fenomenologien søkjer å finne fram til
naudsynte trekk ved vår måte å erfare verda og oss sjølve på. Det er ein filosofi som dreier seg om røynsler, og tar utgangspunkt i eit første-persons perspektiv seier Anne Granberg ved filosofisk institutt, som har hovudansvaret for arrangementet. Ho seier at det er ei aukande interesse for fenomenologi - og ho trur det kan ha noko med å gjere nettopp med at det er ein filosofisk retning som vender seg mot å beskrive og forstå konkret røynsle og den felles “livsverda”.

- På konferansen knytter vi tråder mellom fenomenologi og empirisk praksis. Vi vil ta opp tema som blant anna fenomenologi og medisin, psykiatri og etikk og fenomenologi og kunst, estetikk og musikk.