Treningssenter forseinka

Sammen City held til i Aasegården i Bergen sentrum, og skulle etter planen vore eit treningssenter over to etasjar no i haust. Men no er utvidinga forseinka, skriv Studvest.

Bård Johansen, som er direktør for Sammen trening, seier til studentavisa at det er kommunen sitt nye system for sakshandsaming som gjer at det har teke lenger tid enn tenkt å koma i gang med bygginga. No er planen at utvidinga skal vera ferdig rundt jul.