Mandag opna det nye Senter for søvnmedisin ved Haukeland Universitetssjukehus. Medan søvnpasientar tidlegare måtte forhalde seg til tre ulike fagavdelingar ved sjukehuset, er no alle som driv utgreiing og behandling av søvnsjukdomar samla under eitt tak, ifølge Helse Bergen sine nettsider. Senteret held til i Gamle hovudbygg på Haukeland.
Mandag opna det nye Senter for søvnmedisin ved Haukeland Universitetssjukehus. Medan søvnpasientar tidlegare måtte forhalde seg til tre ulike fagavdelingar ved sjukehuset, er no alle som driv utgreiing og behandling av søvnsjukdomar samla under eitt tak, ifølge Helse Bergen sine nettsider. Senteret held til i Gamle hovudbygg på Haukeland.
Søvnsenteret vil nytte seg av dei tradisjonelle metodane innan søvnmedisin, som til dømes søvnregistrering med eller utan videoovervaking, MSLT (multippel søvnlatenstest) for pasientar med ekstrem søvnigheit og utgreiing av pustestans.
Det nye senteret har eit mål om å bli det leiande søvnsenteret på sjukehus i Norden og opnar for nye moglegheiter innan søvnforsking.
– For å gje best mogleg behandling og oppfølging er det trong for betre kunnskap, ikkje berre om tilstanden hjå kvar enkelt pasient, men om heile pasientgruppa. Senter for søvnmedisin sitt register vil danne eit viktig grunnlag for forsking på søvnsjukdomar og gje oss ein unik sjanse til å evaluere kvaliteten på arbeidet vi gjer, seier senterleiar Bjørn Bjorvatn til helsebergen.no.