Prioriterer engelsk framfor norsk

Universitet og høgskular aukar omfanget av undervisning på engelsk, i strid med dei overordna måla. Det viser Språkrådets rapport Språkstatus 2012. Rapporten viser og at dei språkpolitiske retningslinene som er vedtekne ved dei ulike lærestaden forsvinn heilt eller blir nedprioriterte i dei sentrale strategidokumenta til institusjonane. Stillinga til norskspråklege fag- og lærebøker ser og ut til å bli svekt. På same tid er signala frå studentane at det er viktig med lærebøker på norsk.