Revidert nynorsk er på veg

 Ut med skole. Ja til både tenke og tenkje. Valfri samsvarsbøying av svake verb. Dette er noko av det rettskrivingsnemnda for nynorsk førebels går inn for. På nyåret kjem eit forslag til revidert nynorskrettskriving frå nemnda, som allereie har teke til orde for fleire endringar.

Språkrådet er i gang med å revidere nynorskrettskrivinga med sikte på ei «tydeleg, enkel og stram norm for nynorsk, utan sideformer». Grete Riise leier ei nemnd på sju personar som har arbeidd med saka det meste av 2010 etter mandat frå styret i Språkrådet. Nemnda har hatt møte med språkbrukarar frå mange samfunnsområde.