Seattle-studentar besøker UiB

Professorane Katherine Hanson og Christine Ingebritsen, begge ekspertar på skandinaviske studiar, har med seg 14 studentar som får gjere seg kjende med både byen og universitetet. På programmet står blant anna forelesingar, besøk ved Bergen Kunstmuseum og andre attraksjonar i byen.

Seattle er vennskapsby med Bergen og Universitet i Bergen har i over 20 år hatt utveksling av forskarar med University of Washington. Den internasjonale utvekslingsavtalen er den eldste ved UiB. I løpet av den tida ordninga har eksistert har godt over 100 forskarar vore utveksla.

Delegasjonen frå Seattle reiser til Oslo onsdag 26. august, og derifrå går turen vidare til Roma.