Fredrik Barth er død

Professor emeritus Fredrik Barth døydde heime natt til søndag, 87 år gamal. Det får NTB opplyst frå Universitetet i Oslo, skriv Uniforum.

Barth var tilsett ved Universitetet i Oslo frå 1974, som styrar for Etnografisk museum og professor i etnografi. Men før han kom til UiO bygde Barth opp faget sosialantropologi ved Universitetet i Bergen. Barth kom til UiB ved hjelp av eit stipend frå dåverande Bergen privatbank i 1961. Då hadde han allereie studert både i USA og England og vore ute i felten, mellom anna i Kurdistan.

- Barth var ein av Noreg sine mest anerkjende akademikarar internasjonalt og hans bidrag var avgjerende for etableringa og utviklinga av moderne sosialantropologi ved Universitetet i Bergen og i Noreg, seier UiB-rektor Dag Rune Olsen i ei pressemelding.

Barth var no professor emeritus både ved UiB, UiO og Harvard. Han var på feltstudiar i mellom anna Iran, Irak, Butan, Oman og Pakistan. Barth var gidt med Unin Wikan, professor i sosialantropologi ved UiO.

Fredrik Barth vart æresdoktor ved UiB i 2008. Her saman med dåverande rektor Sigmund GRønmo og dåverande universietsdirektør Kari Tove Elvbakken. Arkivfoto: Bjørn Erik Larsen