UiB på 225. plass

Universitetet i Bergen klatrar på den årlege universitetsrankinga frå Times Higher Education Supplement og ligg no på 225. plass. Samstundes fell Universitetet i Oslo heile 50 plassar på lista.

Dermed tek Universitetet i Bergen store steg i retning 188. plassen til UiO. Universitetet i Bergen er også ranka høgare enn både Universitetet i Tromsø og NTNU på henholdsvis 292. plass og 301. plass. Universiteta vert rangerte etter ulike kriterier, mellom anna gjennom målingar av sitering i vitskapelege artiklar. Kva britiske og amerikanske næringslivsleiarar meiner om universiteta får også konsekvensar for den endelege plasseringa på lista.